ပိုးကျသွားတဲ့ပန်းပွင့်တွေ

ပိုးကျသွားတဲ့ပန်းပွင့်တွေ
_________________

သိမ်ထဲမှာ သန္ဓေတည်ပြီး
ကမ္မဝါနဲ့အတူ မွေးဖွားခဲ့တာပဲ 

အတ္တ ပရ နှစ်ဖက်လှအောင်
နီတိ သဒ္ဒါ အခါခါလည်း သင်ခဲ့ရရဲ့

အောင်မြင်ခြင်းက ဓားသွားပဲဆို
မြ, အောင်သွေးယူတာ အပြစ်မဟုတ်ဘူး
အထက်လွန်ပြီး သာမဏသညာထိ သွားရှရင်တော့
ရွံရှာဖွယ်အပြစ်ပဲ

မျိုးစေ့လေးဘဝကို ပြန်ကြည့်ပါ
မင်းဖြူစင်ခဲ့တာကို တွေ့ရမှာပါ

အကြော်တစ်ကွင်း
မသိုးထမင်းနဲ့
စားလို့မြိန်ခဲ့တာကို မြင်ရမှာပါ

ရေလိုက်လွဲလာတဲ့ ခေတ်အသစ်မှာ
ကျန်တာမျောချင်တာမျော
မင်း စာရိတ္တ တော့
မမျောစေချင်မိခဲ့

ဘယ်တတ်နိုင်မလဲလေလို့ မင်းဖြေလည်း
ဆင်ခြေ က ဆင်ခြေ
အမှန်တရားက အမှန်တရား
"ဟိရီသြတပ္ပ" ကန့်လန့်ကာတော့
သွင်သွင်ခြားနားနေမှာပါ 

ဘဝကို 
လယ်ယာမြေကောင်းသဖွယ် မထွန်ယက်နိုင်လို့
မကဲ့ရဲ့ပါဘူး

ပွင့်ချင်ဇောနဲ့ ပိုးကျသွားတဲ့
ကိုယ်ကျင့်တရားတွေအတွက်တော့
ဘုရားသာသနာမှာ
ပုတ်စော်နံမှာ စိုးတယ် 

 ____အရှင်ဝိစိတ္တ

ဖျက်ဆေးမရှိ
__________

အကြည့်ရဆိုးပေမယ့်
အချို့သော အစွန်းအထင်းတွေက
ချွတ်လို့မှ မရတော့တာ
မဝတ်ချင်တော့လို့ (အညစ်အကြေးစွန်းပြီးသား အဝတ်ကို) စွန့်ပစ်လိုက်ရင်တောင်မှ
အဲ့သည့် အစွန်းအထင်းတွေက
မျက်လုံးထဲမှာ ကွက်ကွက်ကွင်းကွင်းနဲ့ ထင်ဟပ်နေသေးတာမျိုး ...

မေ့ဖို့မလွယ်မှန်း သိလျက်နဲ့
ကိုယ့်ရဲ့အတိတ်ကို ပြည်ဖုံးကားချပြီး
မေ့ပစ်ဖို့စိတ်ကူးတာဟာလည်း ရူးနှမ်းခြင်း တစ်မျိုးပဲ ...

အရှင်ဇောတိဿရ
သျှင်မီးအိမ် (ပန်းတနော်)

အရှင်ဝိစိတ္တ စာစုများ

အမည်းရောင်မဟုတ်ရင်
အဖြူမဟုတ်တဲ့
တခြားအရောင်တွေလည်းရှိတတ်ပါသေးရဲ့

ငါသိ ၊ ငါတတ်
ငါမြင့်မြတ်ဆိုတာတွေဟာ
အရူးရိပ်ကို ပိုမြင့်မောက်စေမယ့်
ဘဝင်မှိုင်းတွေ

ဆုပ်ကိုင်ထားမှုတွေကို
ပြန်ခွာချဖို့ ခဲခက်စေတဲ့
မာနအစေးတွေပါ

အမှန်တရားကို ကြိုက်သူ ရှိသလို
ကြောက်သူလည်း ရှိမှာပေါ့

အပြိုင်အဆိုင် ငြင်းခုံနေကြ
အပြန်အလှန် ရှုံ့ ချနေကြမှာထက်စာရင်
နှလုံးသားကျယ်ကျယ်
နားလည်မှုကြီးကြီးထားလိုက်ကြတာ
နှစ်ဖက်စလုံးမှာ
ပိုကောင်းမယ်

မကင်းနိုင်ကြသေးရင်
မတူညီမှုတွေကိုပဲ လက်ခံ ညှိနှိုင်း
နောက်ကျောက ဝှက်လာတဲ့ ဓားတွေကို
အလံဖြူ နဲ့ ရစ်သိုင်းလိုက်တာ
ပိုကောင်းပါလိမ့်မယ်

ဘဝမှာ ဒီ့ထက်ပျော်စရာကောင်းတဲ့
ဆက်ဆံရေးလေးတွေ စီးဆင်းဖို့

ကိုယ့်ရပ်တည်ချက်ကမ်းပါးယံတစ်ခုလုံး
ပြိုပျက်ပေးစရာမလိုပါဘူး

စူးစူးထွန်းနေတဲ့ အတ္တသောင်အချို့ကိုသာ
ပါးလျဖြေဖျော့ပေးလိုက်ဖို့ လိုအပ်နေတာပါ

ဆရာမ
___

နှစ်ဆယ်တစ်ပတ်လည်အသက်နဲ့
နာမည်ရှေ့က
ဒေါ် တပ်တယ် ။

လော် ကပ်ထားသလို
အသံကျယ်ပြီး
လေးဆယ်ကျော်အပျိုကြီးစတိုင်နဲ့
ဓာတ်ပုံရိုက်ရတာ သိပ်ကြိုက်တဲ့
ပါလေရာ ကလေးဗိုလ် မမ ။

မျှော်စရာ ဆိုရင်လည်း
လစာထုတ်ရက်ပဲရှိလို့

ခေါ်စရာ ဆိုရင်လည်း
အချစ်တော် တပည့်လေးတွေပဲရှိလို့

ဂေါ်မစွံတာလို့တော့
မထင်ပါနဲ့ ။

ဖျော်စရာ
ကော်ဖီထုပ်လေးတွေဆောင်ပြီး
မသိမသာကြောင်ချင်တဲ့သူတွေကို
ဘော်လီပုတ်သလိုရှောင်တတ်တဲ့
ငွေသော်တာ အတွက်တော့
အချစ်ဆိုတာ
ဝိုင်းဝိုင်းလည်နေတဲ့ကလေးတွေကို
မျှပေးလိုက်တဲ့
မှင်နီထိပ်က
အမှတ်လေးတွေလေ ။

လေးကြောင်းမျဉ်းထက်က
မညီမညာ ကကြီး ခခွေး လေးတွေကို
စိတ်ရှည်သလောက်

ကီးဘုတ်ထက်က
မလီပလာ ဘာညာသာတကာတွေဆို
သိပ် စိတ်မရှည်ချင်တဲ့
facebook user ဇာတ်လမ်းတွေရဲ့ 
ဒါရိုက်တာ 
ဒေါ်ဂဂျီဂဂျောင်မလေး ။

ဂီယာ နှစ်ချက်နင်း7
လီဗာ မိုင်ကုန်ဗျင်းပြီး
ရီ(ရယ်)စရာ ဆိုင်ကယ်ဦးထုပ်
အကြီးကြီးဆောင်းတတ်တဲ့
ကျောင်းသွားကျောင်းပြန်လမ်းပေါ်က
ပါဝါရိမ်းဂျား အစိမ်းကောင်လေးနဲ့တူတဲ့
ချစ်ရပါသော
ဆရာမ ။

#ဦးကာ