လောကုတ္တရာသံလိုက်တုံးများ
👉👈👉👈👉👈⏱
အဘိဝံသ အသိုင်းဝိုင်းက ပြောတယ်
" အဘိဝံသ ရအောင် လုပ်
သာသနာမှာ ဒီဘွဲ့ရထားမှ
ကောင်းကောင်းစာချနိုင်မှာ "
တိပိဋက အသိုင်းဝိုင်းကလဲ ပြောတယ်
" ဘုရားပါဠိတော်ကို အကုန်မဟုတ်ရင်တောင်
နည်းနည်းလောက်တော့
ကျက်သင့်တယ်
အနည်းဆုံး ဝိနယဓရ လောက်ပေါ့ "
စာချဘုန်းကြီးအသိုင်ဝိုင်းနဲ့တွေ့တော့
" သာသနာမှာ နေပြီး ဂန္ထဓူရစာချလုပ်ငန်းတော့
လုပ်သင့်တာပေါ့ " လို့ ပြောတယ်
ဓမ္မကထိကအသိုင်းဝိုင်းနဲ့တွေ့တော့
" စရထ ဘိက်ခဝေ စာရိကံ ဒသေထေ ဘိက်ခဝေ ဓမ်မံ တဲ့
တရားလေးဘာလေးတော့ ဟောတတ်ပြောတတ်ဖို့လိုတယ်
ဒါမှ သာသနာ ပြန်ပွားမယ် " လို့ပြောတယ်
ရိပ်သာအသိုင်းဝိုင်းနဲ့တွေ့တော့
" စာတွေချည်း လှိမ့်သင်မနေနဲ့ တရားလေးဘာလေးလဲ
အားထုတ်ဦး ဒါမှ သင်ထားတာ အလကားမဖြစ်မှာ
လူဖြစ်ရကျိုးနပ်မှာ " တဲ့
ဒေါက်တာ အသိုင်းဝိုင်းနဲ့တွေ့တော့
" နိုင်ငံခြားတွေ ထွက်သင့်တယ် ဗဟုသုတတွေ ရှာမှီးသင့်တယ်
အမြင်ကျယ်သင့်ပြီ ကိုယ့်နိုင်ငံထဲမှာပဲ အောင်းမနေသင့်တော့ဘူး "
တဲ့
အင်္ဂလိဂ်စာတတ်တဲ့ သူနဲ့တွေ့တော့
" ဘာသန္တရလေး ဘာလေး တတ်ထားသင့်တယ် ဒါမှ သူများထက်
ခေါင်းတစ်လုံးသာတာ" တဲ့
စာရေးဆရာအသိုင်းဝိုင်းနဲ့တွေ့တော့
" စာလေး ဘာလေး ရေးတတ်အေင် လုပ်သင့်တယ်
ဒါမှ ကိုယ်သေရင် ကိုယ့်စာပေတွေ ကျန်ခဲ့မှာ "
တောရွာကျောင်းထိုင်ဘုန်းကြီးနဲ့တွေ့တော့
" တောရွာတွေမှာလဲ စာတတ်ပေတတ်ငယ်ဖြူတွေ
လာထိုင်သင့်တယ် မြို့တွေမှာချည်း မနေသင့်ဘူး
ကိုယ့်တောကို မမေ့သင့်ဘူး "
မြို့က ဘုန်းကြီးတွေနဲ့တွေ့တော့
" တောမှာ ထိုင်လို့ စာသင်သားမရှိဘာမရှိနဲ့
စာဘယ်လိုလုပ် ချမလဲ " တဲ့
"အမျိုးသားရေး ဘုန်းကြီးက
ပြောတယ်
``ကျောင်းထဲမှာ စာကြည့် ကုတ်လုပ်မနေနဲ့အုံး
အရပ်ထဲဆင်းပြီး
ကိုယ်အမျိုးသားတွေ
ဆင်းရဲနေတာ
ဘာသာရေး
လူ့အခွင့်ရေးတွေ ဆုံးရှုံနေတာတွေ ကွင်းဆင်းကြည့်ကြအုံး။
ကြာရင် အရှင်ဘုရားတို့ ဒကာတွေ အင်အားနည်းပြီး
ကိုးကွယ် ဆည်းကပ်မဲ့သူ
မရှိဘဲ နေအုံးမယ့်´´တဲ့
"တောရ ဆောက်တည်တဲ့
ဘုန်းဘုန်းက ပြောတယ်
တောလေး ဘာလေးလဲ ထွက်ကြည့်အုံးဟ
တောရဘုန်းကြီးဆိုတာ
သူက အိပ်နေတာတောင်
မြို့မှာနေ တရား အားထုတ်နေတဲ့ ရဟန်းထက် မြတ်ကတဲ့ ။ကဲ …
ကိုင်း....ဘယ့်နှယ်ရှိစ အရပ်ကတို့ရေ
...
...
...
Credit...စာချဘုန်းကြီး ဦးပညိန္ဒ...Kothar Ra🙏🙏🙏
No comments:
Post a Comment